Het genot van de Vlaamse authentieke keuken

Wij zijn open vanaf 11.00 u, gesloten op woensdagavond en donderdag. Reserveren kan via GSM op nummer: 0479-431091 of stuur moeke een mail op info@moekes.be

Dag moatjes,
ook moeke moet er aan geloven om digitaal actief te zien, dusja  bie deze …
kon ne ke e bitje utleg geven over oe dat da hier allemale in makor zit.
 
ik zien Jesica en gelik da je leest, en echte west vloamsche, en kzien do preus op.
kzien kik gin topkok, mo doen me werk nu al 20 joar dus kzoen toch al e bitje moeiten kun, en vooral, kdoent echt vree geren.
vele buten in me keuken stoan doenk nie, juste mo zelve gon gon eten en ding doen me me zeune en men noent. E vint ek nie want toet gene da vul me mien.
me zeune is Imilio, 14 joar en got no de hotelschole in Brugge, dus zie kik fier gelik e gieter en casper de noent dien furrelt ier geweune roent.
 
Ik zie dochter van 2 geweune werkmeschen, mo ken der vele van geleerd, me ma kan super goed koken, ken da echt van eur mee, van do de name moeke’s keuken, als eerbetoon an me moeder, en me pa was visser, jammergenoeg was, want me pa is gebleven op zéé, 5 joar geleden, da et een groot littiken bie me achter geloten, je got zien dat er in me interieur verwiezingen zien na em. En das de reden woarom dak vele vis verkopen, omdat de kennis dervan der ingeramd is, kzien echt gebeten deur de zéé en al zn schonheden al van kleins af, af en toe gok zelve nog gon bie leren, voe der zo vele meugelek van te ken, en gif eke toe, wa ister nu beter dan e goe stikje vis
 
dus voral voe vis, schelp en schaaldieren ,palink en vesche gernoazen moe je ier zien.
mo nateurlek ewe nog meer of vis allene, wen ook vlees we, e goeie biefstik en zwienekaken, en nog vanalles.
butten de koarte e we altiet suggestie’s met wa dak op de veilinge kun kopen, en wa da me leveranciers anbieden.
 
iedere dag binst de weke e we e lunchkoarte, me gerechtjes vanaf 12 euro, je got do je goeste wel up vien da zien simpele dingetjes en ook bitje uit moekes tied he, en wen toen nog en marktmenutje ook van een euro of 25.
 
aje doaruit nog nieks viend wilk ook nog altied etwa speciaals maken voe joen ook we, eje twa da je zelve nie kan of twa van vroeger, ingewanden of twuk anders, gif eke e belletje en we regelen da wel voe je.
 
aje wilt kom me e bentje ist ook beter da we e menutje maken he, want stoan kik aleine in de keukn en je got anders te lange moeten wachten en je got toen op je tean getorten zien en da wil we nie.
 
ze moatje, voor da je komt gif ekke e belletje he, je moe nie we zien ier geren bezoek verwachtende mo tis toch gemakkelijk da je belt.
en je go mien messchiens nie zien mo ik zien je dankboar da je komt, en ater e twa scheilt moe je me mo ekke roepen he zeg.
 
en voor dak je loaten, komt at schoan were is eke op me terrasse zitten, je go je ier zeker amuzeren.
 
toe toen e moatje en bedankt he
 
indien je deze tekst niet kan lezen, kom eens langs en dan zal ik het met plezier voor u vertalen.